زجل : نبكي على قلم – الزجال إبراهيم ازنيدر

0
115

الكاتب: ابراهيم ازنيدر

نبكي

على قلم

يبكي على ورقة

تبكي على حرف

كتبوه ظلام…

يطمان القلم

ولفت من نقطة

نشوف بداية الكون

من كلمة نتفرق

مسارب وعيون

ولفت نولد ف صمت

نتبع سوق راسي

مجنون…

نطمأن لصمتي

مني فيضة

نقراها بصمت

بجميع الألسن…

صورة

من دماغي

تحملني للخلق

نبدا بكن..

صغير

أنا ف القماط

نحلب الدهشة

ف رحاب الصمت.

من أول لمسة

ليديا ف الفراغ

يتصاغ سؤال…

باسم القلم

ما سطر

باسم العقل

ما شطر من ذرة

باسم الشك والفضول

نفكر فيا..

بصمت.

شكون فيكم دار من الصمت صلاة…فصل منه حروف الوجه..سمع لذاته بعيد على زحمة لكلام والإشارات…شكون حاك من عشقه جناحات،طلع بها لجهة الشمس..ترفع ملاك…ترفع على المكتوب…طلع فوق المنطوق والمسموع،معانق الصمت…شكون عرج بالكتبة للحظات يقرأ فيها الزمان…يتأمل في اللغة باش محبوك..شكون فيكم فتح باب لغة الصمت…شكون فيكم فرز هذا النفس الغارقة ف العادي..سول رأسه فاين غادي..شكون فيكم خض هذا العقل..فيقو يشوف رأسه بصمت…؟